Recursion

Isang sikat na horror and suspense writer si Junica. Pero mula nang mangyari ang isang aksidente ay nahirapan na siyang bumalik sa pagsusulat.

Wala siyang maisip na mga plot o idea para sa bago niyang nobela. Halos araw-araw ay nakakatanggap siya ng mga message at request mula sa mga readers niya na umaasa sa bago niyang isusulat. Ang editor naman niya ay kinukulit na rin siya na magpasa ng bagong manuscript. Pero sa tuwing haharap siya sa laptop ay hindi na gumagana ang imahinasyon niya pati na rin ang mga daliri niya.

Walang bagong plot.
Walang bagong nobela.

Pakiramdam niya tuloy ay tuluyan nang nawala sa kanya ang nag-iisang bagay na kaya niyan gawin para mabuhay.
Ang magsulat at manakot.

Hanggang sa mag-desisyon siyang magbakasyon sa isang lugar na malayo sa pamilya niya.

Bagong lugar.
Bagong mga tao.
Bagong story plot na pwede niyang isulat.

Pero makapagsulat na nga kaya siya ng nobelang katatakutan?
O madadala niya sa totoong buhay ang mga katatakutan na dati lang ay isinusulat niya?

Lalo na kapag nalaman niya na ang lugar na pinagba-bakasyunan niya...

Ay isang kuta pala ng mga baliw.