Ang Itnikus ay mundo na nilikha at pinangangalagaan ng mga anito na pinaniniwalaang nakatira sa ituktok ng Bundok Kuldras, ang pinakamataas na bundok sa mundong ito. Ang mga naninirahan dito ay tinatawag na mga Itnikanon at may kanya kanyang mga tribung kinabibilangan. Ang mga pangunahin sa mga tribung ito ay ang Amyahanon na tribu ng mga mandirigma, Igoloy na tribu ng mga mangangaso, Aluhib na tribu ng mga babaylan, Herbuna tribu ng mga manggagamot, at Batinglilaw na tribu ng mga nagtatanghal. Ngunit hindi lamang mga Itnikanon ang namumuhay sa Itnikus. Naririyan din ang mga taglugar, mga nilalang na nilikha rin ng mga anitu ngunit naiiba ang kanilang mga hubog kung ihahambing sa mga Itnikanon. Kadalasan silang bahagi ng kalikasan kaysa sa bahagi ng mga mortal na tribu. Sa tagal ng panahon ay namuhay ang mga Itnikanon at taglugar na mapayapa at tahimik. Ngunit ang lahat ng ito ay magagambala sa muling pagbabalik ng isang sinaunag anito kasama ng mga alagad nito. Limang kabataang galing sa limang pangunahing mga tribu ang mapipiling tagapagligtas ng Itnikus laban sa kadiliman ng mapaghiganting anito. Anong kapalaran ang kahaharapin ng mga kabataang tagapagligtas sa kanilang magiging laban sa hinaharap ng Itnikus. Halina at samahan sina Kusogsinon, Daklilan, Tilhati, Ilanggayan at Ambahan upang maglakbay at maging kinatawan ng mga anito sa paglaban sa anito ng kasamaan.
7 parts