Heaven's Warriors: Series 3 "A Dance With An Angel"

Simula walong taon gulang si Ash, wala siyang maalala kahit isang beses na hindi siya natakot. Hindi na rin niya maalala kung kailan siya huling natulog ng tahimik at payapa. Iyon ay dahil hindi siya pinapatahimik ng mga multo at masamang espiritu na kanyang nakikita. Sa tuwing nakakaramdam siya ng takot, ang tanging paraan para matakasan niya ang madilim na mundong ginagalawan ay ang pagsasayaw. Mula pa pagkabata ay hilig na niya ang sumayaw kaya nag-enroll siya sa dance class noong tumuntong siya ng college.
Pero binago ng isang malagim na aksidente ang kanyang buhay matapos sabihin ng doctor na hindi na siya makakapagsayaw muli dahil na-damage ng husto ang kanan paa niya. Bukod doon, bumagsak din ang financial status nila dahil napunta lahat sa pagpapagamot at hospital bills ang pera niya. She was persecuted by her own mother because of what happened. Mas lalo siyang ginulo ng mga multo at masamang espiritu. Mas lalo siyang hindi natahimik. Sa mga panahon na parang tinalikuran na siya ng lahat, isa lang ang kinapitan ni Ash. Ang Diyos.
But everything in her life starts changing after she discovered Rainer Villanueva's dance studio. Pinatuloy siya nito sa mundo nito sa kabila ng kalagayan niya. Binigyan siya nito ng pag-asa na walang impossible sa Diyos basta naniwala ka ng buong puso. Ash fell in love with Rainer, pero kung kailan naman nagiging maganda ang lahat sa pagitan nila, saka naman niya nalaman ang pagkatao nito at ang katotohanan na iiwan na siya ng binata.