No Hay Final Feliz

Ang istorya ng buhay ni Crisanta Puerto Y. Rasonable ay nakalathala sa isang libro na pinamagatang Libro De La Tristeza Y La Tribulación Durantela Guerra o Libro ng Kalungkutan at Kapighatian sa Panahon ng Digmaan na binuo ng isang historyador na si Ginoong Florez Sandro De Guzman noong 1890, apat na taon matapos pumanaw ni Crisanta. Mula ang kuwentong sa ibat-ibang taong nakasalamuha at nakilala ng dalaga noong siya'y nabubuhay pa. Sa kasalukuyan, makikita ang libro sa isang aklatan sa Heneral Trias, Cavite. Pero kamakailan lamang, buwan ng Mayo taong dalawang libo at labing walo ay napabalita na nawawala ang libro sa lugar na kaniyang pinagtataguan. Ang buong bansa ay naalarma sa ulat na ito. Maraming nagsabi na ninakaw raw ito dahil sa malaki nitong halaga sa kasalukuyang panahon na maaaring umabot ng dalawang bilyon.

Ngunit, sa hindi inaasahang pagkakataon. Ang librong nawawala ay mapapasakamay ni Kinsley Aguilar Inocencio sa hindi mawaring dahilan. Dito ay nagkaroon siya ng pagkakataon upang malaman at matuklasan ang buhay ni Crisanta. Bagama't luma na, may mga nawawalang pahina at may halong espanyol na salita ay pilit niya itong inintindi at tinapos. Subalit, kaakibat ng pagbuklat ng libro ang muling pagkabuhay ni Crisanta, ngunit hindi sa nakaraan. Siya'y muling nagkahininga sa kasalukuyan.

Bakit at paano ito nangyari? Nagtataka ka na ba?

Bakit siyang nabuhay muli?

Ano ang misteryosong nakatago sa kuwento ni Crisanta? ;At

Ano ang kinalaman ni Kinsley sa mga pangyayaring ito?

Mabibigyan ng kasagutan ang mga tanong na iyan sa oras na sinimulan mo nang buklatin ang aklat na ito.