ليست كل الكسور نهاية ‏فبعضها مفاتيح حياة ..

لاننا نحنا ناس نضاف نحبوا بضمير ونعطوا كل اللي نقدروا نعطوه بصدق وبحب ،لاننا نحبوا بكل ما تحمل الكلمه من صدق، ولكن كيف ما نحنا حقيقيين نحنا برضوا قوا ،قوأ يعني نقدروا نفلتوا يدينا فعز تعلقنا بعد نحسوا أن كرامتنا أنهانت ،ولا الاهتمام نقص بدون سبب يُذكر، ولا انحطينا في مقارنا مع غيرنا ونحنا في عين أنفسنا أغلى وأنقى من هك، نحنا نقدروا نفلتوا يدينا بكل قلب بارد وقوي ،نحنا نختاروا فرواحنا فالوقت هذا عشان نحنا نستحقوا، نسنحقوا نفرحوا ونضحكوا ونخششوا في حياتنا من يقدرنا ويعرف قيمتنا كيف ما نحنا عارفين قيمة أنفسنا بالضبط ،واللي غير هك ميستحقنش ، نحنا أنخسروا لكن والله عمرنا ما نخسروا لانه اللي كيف قلوبنا قعدوا نسبه قليله ،اللي لما تحب تحب بصدق وبكل عفويه ،ولما يفلتوا يدهم ،يفلتوها بكل شرف وعمرهم ما يديروا شي يندموا عليه ولا يديروا شي مش متربيين عليه ويتحاسبوا عليه عند ربي، الناس اللي مسلما امرها لله واللي واثقين انهم مخلوقين لله ومقتنعين أن مافيش حاجه تضيع عند ربي.