Lost Soul

Si Eremielle "Remi" Bailen ay isang dalaga mula sa modernong panahon ng taong 2023. Isa siyang mapagmahal na anak, kapatid, apo, at kaibigan. Isa siyang dedikadong mag-aaral na nangangarap maging abogado matapos ang trahedya na kaniyang kinaharap sa kaniyang kamusmusan.

Sa hindi inaasahang pagkakataon, si Remi ay naging biktima ng isang hindi inaasahang aksidente. Ang aksidenteng ito ang nagbukas ng bagong pinto sa kaniyang buhay.

Tila isang ligaw na kaluluwa, siya ay nagmulat ng mga mata sa isang bayang minsan ring namayagpag sa Pilipinas at maituturing na may mayamang kasaysayan-ang Cavite Puerto-na matatagpuan mismo sa kaniyang siyudad na sinilangan, na nalimot na ng panahon. Mula sa taong 2023, siya ay napunta sa nakaraan-ang kaniyang naging bagong kasalukuyan.

Samahan si Remi na suungin ang mga hamon na kaniyang haharapin, maging ang mga kasiyahang kaniyang dadanasin, sa bago niyang buhay sa panahon ng pananakop ng kolonya ng España sa Pilipinas.