A Princess Love Story

Isinilang siyang tagapagmana. Pinalaki siyang bilanggo. Ngunit ang katotohanang dala niya ang maaaring maging wakas ng kanilang kaharian.

Sa gabi ng pinakamagarang pista ng Timog Pilipinas, tumakas si Prinsesa Chrishna Alessandra Sandoval mula sa palasyong buong buhay niyang tinawag na tahanan. Kasama niya ang tatlong kasulatang ninakaw mula sa silid ng Hari.

Ang tala ng kaniyang kapanganakan.

Ang kasunduan sa kaniyang pagpapakasal.

At ang liham na pinirmahan ng isang lalaking matagal nang patay.

Dinala siya ng mga pahiwatig sa Hilagang Pilipinas, kung saan naghihintay ang isang bahay na may asul na tarangkahan, isang apelyidong binura sa kasaysayan, at si Rafael Valderama, isang armadong estrangherong tila higit na maraming nalalaman tungkol sa kaniya kaysa sa sarili niya.

Ngunit habang unti-unting nilalason ang Hari, pinabibilis ang kaniyang kasal, at binabago ng palasyo ang kuwento ng kaniyang pagkawala, mapipilitang bumalik si Chrishna sa tahanang una niyang tinakasan.

Sa Marinseyo, nabibili ang katapatan. Ang pag-ibig ay maaaring maging bitag. At ang koronang nakalaan para sa kaniya ang siya ring maaaring pumatay sa kaniya.

May mga prinsesang isinilang upang magmana ng kaharian.

Si Chrishna ay bumalik upang wasakin ang kasinungalingang bumuo rito.