At The End Of The Day (COMPLETED)

Sa isip-isip niya, wala na siyang dapat patunayan sa mundo dahil mundo na mismo ang nagpatunay sa kanya-na ang mundo ay hindi laging maganda sa mata ng iba. Lalo na sa kanya. Sa sobrang galit niya sa mundo pati mundo sinaraan niya sa sarili niya. Pero hindi ang mundo ang makakapigil sa gusto niyang gawin sa mundo niya.

Manifestation? Astrology? Universe?

Non-existent ang mga iyon sa mundo niya.

Iyan si Rai.

Lumaki sa iba't-ibang komunidad simula pagkabata. Pero wala siyang pinagsisisihan kung biktima man sila ng Nanay niya ng internal migration. Buhay silang mag-ina? May bahay na matutuluyan? Makapag-aral? Hindi 'yan ang isasagot ni Rai kung tatanungin siya kung bakit wala siyang pinagsisisihan sa palipat-lipat nila ng tahanan. Ayan na kasi ang naging format ng mga sagutan ng mga tao sa Quora sa tanong na "How do poor Filipinos live?"

Aware si Rai na mare-revoke ang card niya sa lupa kapag nag-umpisa na siyang lumaban. Pero ano pa't pinag-aaralan nila si Dr. Jose Rizal sa kolehiyo para lamang maging duwag at mag-ambag sa pyramid ng social cancer. Sabi pa nga ni Mahatma Gandhi, be the change, if you want to see the world.

At dahil gusto pang makita ni Rai ang ipinagkait sa kanya ng mundo-o kung hindi man siya mismo, ng mga susunod na henerasyon ng kabataan na lang, isusugal niya ang card mapatunayan lang na ang Kabataan ang Pag-asa ng Bayan.

"They are learning theory? I'm learning reality,"-Rai Kontemplasyon, 2020