Domino Effect: Child of Destiny

"Sa dilim lang makikita ang pinakamaliwanag na katotohanan ngunit sa nakakasilaw na liwanag nagtatago ang pinakamadilim na kasinungalingan"

Sa mundong palihim na namumuno ang mga pantas-mga taong may mataas na karunungan, namumuhay ng masaya at tahimik ang SHS student na nagtataglay ng nakakabighaning ganda at kahanga-hangang talino na si Domino kasama ang mga kaibigan at ang kanyang tatay.

Dumating ang panahon, napuno ang kanyang isip ng mga tanong na hindi niya masagot. Nagsimula na ang paghahanap niya sa mailap na katotohanan kasama ng kanyang mga kaibigan at ng isang grupo na pinamumunuan isang misteryosong dalaga na nagtataglay ng katakot-takot na talino, haharapin nila ang lihim na organisasyong na ibig makuha ang sinasabing Child of Destiny.

Magkakabunyagan na ng mga lihim at magkakahubaran na ng mga maskara sa misteryosong grupo sinasabing nag-ugat sa La Liga Filipina nang ipagpatuloy nila ang masamang plano sa pamumuno ng Guro upang makamtan ang sinasabing kapangyarihang hawak ng Child of Destiny.

Sundan si Domino at ang ibang karakter sa kanilang nakakagimbal na paghahanap sa pinakamaliwanag na katotohanan sa kabila ng mga lihim at mga sagot sa kanilang mga tanong habang ang mga pangyayari ay parang mga domino na sunod-sunod na nagtutumbahan-Domino Effect.