The Day She Died [COMPLETED]

Naranasan mo na bang mawalan ng minamahal sa buhay?

Alam mo ba kung gaano kasakit sa pakiramdam na sa isang iglap lang ay nawala ang mga taong malapit sa'yo?

Sabi nila may iba't-iba tayong paraan para pakitunguhan ang nararamdaman nating pighati.

Pero kung ikaw ang tatanungin ko, ano ang ginawa mo para tuluyang mabawasan ang sakit na likha ng mawalan ng taong lubos mong iniibig? At hanggang saan ang kaya mong gawin para tuluyan 'yung mawala?

Bago ka magbalik sa kung paano mo nagawang lagpasan iyon, samahan mo muna akong alamin kung paano iyon nagawa ng isang simpleng nilalang na kagaya mo.

Sabay nating tunghayan ang kwento ng isang babae patungo sa kanyang unang kamatayan, pag-ibig, pighati at muling pagkabuhay.

Pero bago 'yan, nais ko munang ipaalala sa iyo na madaling malinlang ang isip at puso ng tao. Bago mo simulan ang pagbabasa, sana ay siguraduhin mo munang nasa maayos na kalagayan ang sa'yo.