Myriad Nightfall

Myriad Nightfall: Ang kwento ng katapangan at determinasyon sa gitna ng ilang ulit na pagkabigo.
Ilang beses na siyang nadapa pero patuloy siyang bumabangon.
Ilang beses na siyang nagtiwala pero hindi siya nadadala.
Maraming beses na siyang nilayuan pero patuloy siyang umaasa na may tatanggap sa kan'ya.
Ilang beses na siyang nasaktan, pero nagmamahal pa rin siya.
Paulit-ulit. Umuukit ang sakit. Kumikirot.

Nawala na sa kan'ya ang lahat. Pati na rin ang bagay na ang pinakamahalaga sa kan'ya, ang soccer.
Bumubuhos ang malakas na ulan isang gabi noon. Nang marinig niya ang sigaw ng isang babaeng humihingi ng tulong. Pero wala siyang pakialam. Wala na siyang pakialam sa iba. Manhid na siya. Ngunit laking gulat na lamang niya ng biglang may humawak sa kan'yang braso. Umiiyak ito. Nagmamakaawa. Hindi niya alam pero sa huling pagkakataon ay pinasok na naman niya ang isang bagay na hindi niya alam na magiging daan upang makatakas sa hindi na niya mabilang na pagkabigo.