MAYUMI ( THE FAIRY PRINCESS )

Simpleng pamumuhay at simpleng tao na may simpleng pangarap. ..

Tama ba na tawagin kong simpleng pangarap ang isAng imposibleng pangarap? 😂😂😂

Lumaki sa pamilyang nakakakain tatlong beses isang araw. Nakakapag aral sa magandang eskwelahan. May mapagmahal at mababait na kapatid at mga magulang. Pero sa aking pakiwari'y tila may kulang?

Mula ng ako'y magkaisip madalas ako dalawin sa aking pagtulog ng mga kakatwang panaginip. Mga panaginip na dala ko hanggang sa ako'y magdalaga. Halos araw araw ako dalawin sa aking panaginip ng aking ama't ina, hindi ang aking mga magulang na kinagisnan kundi mga bagong mukha na nakasanayan ko na at nakilala ko na sa pamamagitan ng panaginip.

Sa loob ng madaming taon tila may pangalawang mundo ako kapag ako ay nahihimbing na. Sa loob ng mundong iyon, mas nararamdaman kong doon ako nararapat, tila ba napaka gaan sa loob ko ang bawat nagaganap doon. Hindi ako namumuhay ng simple sa mundong iyon. Itinuturing akong mahalagang tao at pinoproteksyunan ng mga tao. Magagandang kasuotan at sobrang lambot na kama ang meron ako.

May mga kawal na tinatawag na laging nakasunod at nakabantay sa akin. Ang aking ama't ina ang tinatawag na Hari at Reyna ng aking mundo. At ako?? Isa akong PRINSESA.

Ang isang MAYUMI SANCHEZ mula sa pagiging payak ay nagiging isang maharlika sa aking panaginip na sa katagalan ng panahon ay pinangarap kong maging katotohanan.

Pangarap na hindi ko kailanman naisip na magiging katotohanan. Isang napaka IMPOSIBLENG PANGARAP. Ngunit sa isang bahagi ng aking pagkatao ay umaasam na matupad.

********************************************************