Into The Eyes Of Darkness: Understanding MADARA (and a look on his private life)

Mahigit daang libong taon na nang maitatag ang bayan ng Konoha. Nang ito ay maging isang bayan, ang mga kalapit nitong bansa ay nagsipagtatag na rin at nagkaroon ng kanya kanyang saligan. Ngunit bago pa man maitatag ang bayang ito, dalawang grupo ng angkan ang matagal nang naglalaban laban para sa kani kanilang ipinaglalaban. Ito ay ang angkan ng Senju at Uchiha. Kalaunan ang dalawang angkan na ito ay naging magkasundo at naitatag ang bayan.
Ngunit meroon nga talagang mga bagay at pangyayari na naging dahilan upang ang isang tao, mula sa angkan ng mga Uchiha ay muling maging taliwas sa kani kanilang paniniwala at ideyolohiya. Alam ng karamihan ang tungkol sa kanya lalo
na ang angkan na kanyang
pinagmulan.. siya si Uchiha Madara.

Ngunit gaano nga ba kakilala ng karamihan si Madara?

Ang nobelang ito ay kathang isip lamang ngunit alinsunod at rumerespeto sa tunay na mga pangyayari sa manga at sikat na anime na Naruto. Layunin nito na makilala natin ng lubusan ang isa sa pinakahinangaang kontrabida ng serye. Si Uchiha Madara. Ngunit hindi parin ito kailangang paniwalaan pagkat hindi ito aprubado ng orihinal na may akda. Isa lamang itong paglalarawan ng ibang bahagi ng kanyang pribadong buhay ayon lamang sa aking imahinasyon. Siya ang napili kong paksa ng kwento pagkat isa siya sa mga hinangaan kong kontrabida ng serye. Sana ay magustuhan niyo ang nobelang ito.