I Am Pretty

Lumaki akong binubully ng lahat. Wala akong naging kaibigan dahil sa itsura ko. Pati ang ate ko na isa rin sa mga nangbubully sa akin. Palagi kong nararamdaman na may favoritism sa pamilya namin. Pa'no kasi, 'yong ate ko nalang palagi ang inaatupag ng parents ko. Maswerte kasi siya sa mukha niya. Minsan nga nagtataka ako kung kapatid ba talaga kami at kung bakit ang pangit ko?

Siya nga pala, ako ang ultimate victim ng bully sa eskwelahan namin. 'Wag kayong mag-expect na enemy to lovers 'to dahil babae 'yong palaging nambubully sa akin. Ginagawa niya akong alalay at talagang nakakaloka ang babaitang 'yon. Hanggang sa isang araw, nakita ko nalang ang sarili kong marunong nang lumaban. Pero lintik kasi di sila marunong masindak sa awra ko.

Buti nalang may dumating na kaibigan sa high school life ko kahit papaano. Isa sa mga 'yon ay si Jane, nag-aaway kami pero palaging dumidikit kasi sa 'kin, kaya naging kaibigan ko nalang. Si Kuya Clyde naman, napakabait! Gwapo na, mabait pa. Ang hilig niya ring manlibre! At ang huli? Hehe. Basahin niyo nalang para maknows niyo. 'Di joke lang, si Dwight 'yon, ang bulag na lalaking minsan ko nang jinudge dahil bulag nga. Ang kapal ko, ano? Ako pa nga itong pangit tapos ako pa etong ang hilig manghusga ng kapwa!

---------

Hindi ko talaga alam kung intro ba 'to, synopsis, o ano. Ginawa ko lang dahil baka sakaling manghatak ng readers pero nang binasa ko, parang hindi yata. Pero sana basahin niyo, hehe.