الشيطان العاشق (عهد مع لوسيفر)

" أنسة ريناد إنتي مش مريضة نفسية ، ولا حتى مكتئبة علشان تشوفي الحاجات دي "
-كانت أول جملة الدكتورة قالتهالي بصتلها وأنا محتارة مكنتش عارفة اللي عندي ده إيه !

نظر لها ضابط الشرطة نظرة متفحصة قائلاً :
-إنتِ قتلتيها بسبب إنها قالتلك كدة ؟ ، أرجوكِ ساعديني علشان أعرف أساعدك أتكلمي السكوت مش هينفعك بحاجة ، إنتِ ارتكبتي عشر جرایم كل جريمة فيهم غامضة ومفيش بشر يقدر يعملها إلا لو كانت قدراته تفوق التوقعات
ريناد تنظر له وتنهمر في البكاء قائلة :
- لو أتكلمت هيموتني الضابط بتساؤل :
- مين دة ! ، شريكك في الجرايم ؟ خفضت ريناد وجهها للأسفل ، وظلت تضحك بشكل هستيرياً وتسقط دموعها .. ثم صمتت تمامًا وتغيرت ملامحها وعيناها تلونت بالكامل إلى اللون الأحمر القاتم ، ثم استدارت للضابط مجددًا وقالت :
- لوسیفر ..