Si Dash ang tinaguriang Reyna ng mga Birhen sa kanilang departamento. Araw araw ay nakakarinig siya ng panlalait. Kung gaano siya ka tigang na ilog at sing sungit ng nagbubuntis. Masyado daw siyang ampalaya at hindi manlang makuhang maging masaya sa buhay pag-ibig ng mga kasamahan. Napaka bruha niya daw at ang kadalasang relasyon sa opisina ay nagtatapos ng siya ng dahilan. Masyado daw maitim ang budhi niya at kailangan niya pang manira ng relasyon para lang may kasama siya sa departemento ng mga taong pinagkaitan ng biyayang patungkol sa pag-ibig. Mukha daw siyang bruha na ang hilig na linya ay walang forever. Tao din naman siya. Katulad ng ibang babae ay gusto niya ring maranasan ang ma in love. Pero paano niya gagawin iyon kung nasa apat na sulok siya ng opisina at ang kaharap ay monitor screen at sandamakmak na gawain? Paano niya uunahin ang pag-ibig kung hindi niya pa napapabagsak ang reyna ng kasamaan na buong buhay niya ay hindi siya nilulubayan? At ang butihin niyang amo ay tila din isang kontrabida sa kanyang istorya at naisipan pang dagdagan ang pasanin niya. Hindi niya sukat akalain na babantayan niya ang anak nito na daig pa siya sa dami ng relasyon na napagdaanan. Ang isipin na gawin ang sinulat niyang kabaliwan noong kolehiyo pa siya ay hindi niya magawa dahil sa balakid. Magagawa niya pa kayang magkaroon ng iniibig kung ilang buwan lang ay lagpas na siya sa kalendaryo? At paano niya gagawin iyon kung nahahati ang atensyon niya, sa trabaho, sa kalaban, sa dating kalaban, sa bagong kalaban, sa munting asungot na tila pinaglehe sa kwarenta anyos, sa teenagaer na sakit sa ulo at sa panahon? Makukuha niya ba ang hapy ending na inaasam o manatili siyang bruha sa lahat ng kwento?