Ang Probinsyanang Heredera

Ang magkaro'n ng marangyang buhay ay isa sa mga pinapantasya ng bawat isa, mapa bata man o matanda, isa lang ang hinahahangad nila. At iyon ay ang magkaro'n ng marangyang pamumuhay.

Pero ibahin natin si Ciana. Para sa kanya ay wala ng kahit na ano pamang tutumbas na halaga ng pera sa masayang buhay na meron sila ng kanyang ina. Kahit payak lang ito at napaka simple ay sapat na iyon para sa kanya. Ang higit na mas mahalaga sa kanya ay ang kapakanan lang ng kaniyang pamilya at mga kasamahan nila sa tubohan.

Isa si Ciana sa mga tao na mas hihilingin na lang ang magkaro'n ng simpleng pamumuhay basta buo lang ang kanyang pamilya at di nawawala sa tabi niya.

" Aanhin nga naman ang yaman kung mag isa ka lang "

Ngunit dahil sa isang kayamanan na hindi inaasan na matutuklasan ni Ciana ay nag bagong bigla ang buhay niya. Isang kayamanan na matagal ng ibinaon at itinago sa limot ng kanyang ina na si Cassandra.

Handa niya kayang tanggapin Ito O muli niya lang ibabaon sa hukay at kakalimutan na lang kagaya ng ginawa ng kanyang ina.