19 parts Ongoing Mèsi anpil dèske ou chwazi liv sa e ou chwazi fè otè a konfyans pou prezantew istwa sa.
Ki pale de yon jèn gason ki rele Edward Lovensky, zanmi'l ak pwòch li
rele'l Kiki.
Li ap viv sèlman ak papa'l ki rele Edward Yonèl, paske manman Kiki te abandone yo depi lè Kiki te gen 15 lane.
Depi lè a se papa'l kap ede'l,
jiskaske li arive tonbe malad, Kiki chache yon travay pou'l okipe tèt li ansanm ak
papa'l.
Li gen yon bon zanmi'l ki rele Terviné Samuel ti non jwèt li se Sam, yo
grandi ansanm yo te nan menm lekòl klasik rive jis nan inivèsite kote yo tap
gentan fini si se pat peyi a ki te lòk 3 mwa.
Kiki se yon bèl gason, byen kanpe li gen yon kò apolon, Kiki rezève li renmen
ekri mizik, gen anpil medam nan zòn lan ki renmen'l pou anpil rezon, men li pa
enterese ak youn jiskaske yon fi vin change tout bagay nèt.
Fi sa rele Pierre-François Stecy se pitit yon gwo antreprenè, fanmi'l gen anpil
lajan. Se yon bèl fanm ki gen fòm Bedjine, ti pol swa li santi bon, ou temèt te avèg depi'l pase kote'w wap anvi wè, tout gason ki wèl ap pase fòw kase tèt ou gade, lè li ap mache ou pata di kò li ap tranble, bèl se on definisyon
konplèks parapò ak on bote ki senp konsa.
Se yon fi ki kiltive enstwi, ki telman wè gason yo enterese avèl, eske yo
renmen'm vre ? se youn nan plizyè kesyon li toujou ap poze tèt li, ki fè gason pa
enteresel .
Men yon senp aksyon pral chanje tout bagay.
Ann swiv...........
