Tayo, sa Loob ng Labindalawang Tula (PUBLISHED UNDER CLP)

Si Emerson ay isang simpleng tindero ng tinapa sa palengke. Iyon ang ikinabubuhay ng kaniyang pamilya sa loob ng ilan na ring dekada. Ngunit isang araw, may nakita siyang isang nakatiklop na papel kalakip ng isang supot ng tinapa. Kinuha niya iyon at napagtantong para ito sa kaniya.

Ang papel na iyon ay naglalaman ng tulang pag-ibig. Ang tulang nilalaman ng papel ang siyang magsisimula ng napakaraming tanong. Ang tanong na mabubuo sa isipan ni Emerson ay masasagot sa pagdagdag ng mga tula. Ang tulang madaragdagan sa paglipas ng panahon ay konektado sa simula. Ang simula ay magpapatuloy hanggang sa kasukdulan ng kaniyang kagustuhang makilala ang tao sa likod ng labindalawang tula.

Paanong nangyaring ang isang ginoong katulad niya ay nakatanggap ng mga tula ukol sa sining ng pagtibok at saya ng pag-irog kahit na sa totoo . . . wala siyang nagugunitang buhay-pag-ibig mula sa nakaraan? Sino nga kaya ang misteryosong tao sa likod ng mahihiwagang akda? Mapupunan ba ang patlang na idinulot nito sa kaniya?

Siya si Emerson at susubukan niyang suungin ang hiwaga ng katotohanan.