Kundiman

Anong nasa gitna ng temperatura ng mundo at balat mo? Binigyan mo na ba ni minsan ng pansin ang salamin ng mata mo at nakikita nito? Bawat pitik ba na ng iyong pulso ay pinakikinggan ng tenga mo? Eh ang mabighani agad sa isang sulyapan, nagkaroon na ba ng panahong bigyang diin naman? Alikabok. Panaka-naka. Mga bagay na ipinagsasawalang bahala.

Ikot jeep, polusyon sa kamaynilaan, mga bagay na gumagalaw - anong kakaiba sa pag-galaw? Ngiti niya, paano ka nabihag? Naipaliwanag na ba ang ganiyang "feeling" sa siyensiya?

Tila ramdam na ramdam sa loob ng Unibersidad ng Pilipinas ang tag-init, ang nakasanayang klima sa bansa. Sa tag-init na ito, may sumibol na pag-ibig, hindi pag-iibigan. Oo, malaki ang pinagka-iba ng pag-ibig at pag-iibigan. Matapos ang tag-init, umulan, winakasan ng mundo ang tag-init, kasabay ang mga sumibol sa panahong iyon.

Gusto mo bang subaybayan? Malaman kung sinong nasa pagitan? Halika at samahan mo si William sa pagpasok sa buhay ni Abiona Llouise D. Minahal.

Puno ka man ng katanungan ngayon, kahit 'di mo na inaasahan, tiyak darating ang mga kasagutan.

Kundiman isinulat ni Mahinhin
Silent Sanctuary Songs Series 1

P.S. Ang kantang Kundiman ng Silent Sanctuary ang siyang pinaghugutan ng may akda.