Reincarnated Loser

Si Rhythm ay anak sa labas ng isang mayamang politiko. Siya ang bunga ng panggagahasa ng sikat na Gobernador sa katulong nito at upang mapagtakpan ang kademonyohan ni Gob ay pinagbantaan ang buhay ng katulong.

Sa mga buwang pinagbubuntis ni Myra ang kanyang anak ay tanging musika ang nagbigay ng pag-asa sa kanya. At dumating rin ang araw na isinilang niya si Rhythm, sabay ng iyak ng maliit niyang anak ay ang halong lungkot at pananabik na tumakas sa mala- impiyernong mansyon.

Lumaki si Rhythm na alam na siya ay anak ng Gobernador ngunit trinato siya na masahol pa sa trapo. Pinapag-aral din siya ngunit kapalit nito ay ang malabundok na gawaing bahay na naghahantay sa kanya.

Tila lulunukin na lang ni Rhythm ang kanyang tadhana nang isang araw ay naalala niya ang lahat ng kanyang nakalipas na buhay.

"Parati na lang akong kawawa? Sa nine na past life ko, parating pangit ang destiny ko? Aba, Lord di na ako papayag niyan. Pang sampung buhay ko na ito!" sabay hawi ng buhok ni Rhythm habang nakatingin sa dingding ng kanyang kuwarto.

Siya lang mag-isa sa maid's quarter kung saan apat silang pinagkakasya.

"I won't be a reincarnated loser this time! Itaga mo yan sa bato Lord!" alburoto ni Rhythm. Naka-ilang buntong hininga si Rhythm. "Joke lang Lord, pero sana ngayon naman good ending naman buhay ko. Please?"

Ito ang kwento ni Rhythm, na gamit ang memorya ng kanyan nakalipas ay pipilitin niyang manalo sa kanyang masalimuot na tadhana.