Carrying The Billionaire's Son - EXCLUSIVE ON DREAME

☆Wildly And Desperately book 1

Charles Delavega
SPG/Romance book 2

Panganay si April sa dose nilang magkakapatid. Bata pa lamang sila ay namulat na sila sa kahirapan ng buhay at mas lalo itong pinalala noong bawian ng buhay ang kanilang ina mula sa panganganak sa pang-trese nilang kapatid. Maging ang bunso nilang kapatid ay binawian din ng buhay dahil sa kakulangan nito sa buwan.

Naiwan sila sa pangangalaga ng kanilang amang lulong sa bisyo, alak, sugal at sigarilyo. Nahinto silang lahat sa pag-aaral dahil ang nais ng kanilang ama ay maghanapbuhay na lamang sila. Sa tuwing wala silang nai-uuwing pera ay latay sa katawan ang natatanggap nila mula sa kanilang sariling ama.

Maging si April ay maraming beses na nitong sinubukang ibenta sa mga matatandang mayaman para lang magkapera at para may mai-lustay sa sugal. Ngunit maraming beses din itong sinuway ni April dahil hindi niya makayanang tumabi sa mga matatanda.

Hanggang sa lumipat sila ng tirahan sa kabilang bayan upang pagtaguan ng kanilang ama ang isang nakatalo nito sa sugal. Dito ay nakilala ni April si Charles Delavega, ang mayamang binatang anak ng may-ari ng buong palengke at isa sa mga pinakamayayamang tao sa buong bansa.

Nang madiskubre niyang naghahanap ito ng babaeng katulad ng kanilang ina na simple, mabait at hikahos sa buhay ay kaagad niyang sinunggaban ang pagkakataong ito. Ginawa niya ang lahat upang siya ang mapili ng binata, maging ang sarili nitong puri ay ibinigay niya para lang may dahilan siyang panagutan ng binata.