MAGEIA Unang Yugto: Ang Nakatagong Alamat
Dalawang magkaparehong pangalan.
Magkaibang pagkatao.
May nagpakatotoo at may nagkukunwari.
Kabutihang sinuklian ng kalupitan.
Kalupitang naging sanhi ng pagbabago.
At pagbabagong kokontrol sa kapalaran.
_______________________
Sa mundo ng Mageia, marami ka pang hindi alam. At sa nakatakdang pagtatagpo ng lahat ay maraming lihim ang mabubunyag. Kahit na ang nakasaad sa propesiya ay maaaring magbabago.
May tatangis, at may magbubunyi.
May mananalo at may matatalo.
Ngunit kung sakali mang darating ang oras na ang kadiliman ay magwawagi, huwag mawalan ng pag-asa pagka't di rin naman ito magtatagal. Tiwala lang ang kailangan at pananalig. Hangga't may katiting pa na liwanag sa puso, at hangga't may nagpapaalala sa kaniya kung gaano kasaya ang magmahal, di magtatagal ay gigising ang pusong naliligaw.
