رواية(حفيدة الشيطان)

رواية(حفيدة الشيطان)
الجزء الاول والتاني
انا سلمي ربة منزل متزوجة من ٣٠ سنة وقعدت حوالي ١٥ سنه وربنا مرزقنيش بأطفال المشكلة عندي انا
ماخلتش دكتور مرحتلوش ولا وصفة معملتهاش ومفيش فايدة لحد ما ستات جيراني دلوني علي راجل اكدب عليكم لو قولت عليه شيخ لا دا ساحر ومشعوذ بس بيقدر يعمل اي حاجة وينفذ اي طلب مهما كانت صعوبته ودا عن تجربه من الستات اللي راحتله وجبر بخاطرهم المهم روحتله انا وواحدة جارتي كانت ليها مصلحة عنده وقضاها حاجة شبه حاجتي كدا بس كانت لمرات ابنها وبصراحة روحتله من ورا جوزي لانه لو كان عرف كان هيبهدلني ومش بعيد يطلقني لانه راجل بتاع ربنا وحافظ كتاب الله وعارف ان المرواح عند الناس دي معصية كبيرة اوي بس انا اعمل ايه .. انا هموت واجيب حتة عيل يملي علينا البيت ومقداميش غير الراجل ده ولما رحت عند الشيخ سيد الفاجر.. متستغربوش هو اسمه كدا الناس طلعت عليه اللقب ده عشان كان فعلا فاجر ويقدر يعمل اي حاجة ولما قعدت قدامه بصيلي بعنيه الحمرا وكأنها دم احمر داكن وقالي عاوزة تحملي يا سلمي ؟!! انا استغربت عرف منين بس قولت لنفسي