İkinci Nəfəs (Ku Kluks Klan qayıdır)

Əziz oxucu, "İkinci Nəfəs" romanının nəşri nəhayət ki, başladı. Kitab Yanvar ayının sonlarına doğru oxucuların ixtiyarında olacaq. Kitabı önsatış kuponu ilə ilk əldə edənlərdən olaraq bir kitabın ərsəyə gəlməsinə dəstək ola, eyni zamanda "İblisdən Betər" kitabını hədiyyə qazana bilərsiniz. Kuponu əldə etmək üçün mesaj yaza, göndərilən linkə daxil olaraq formanı doldura bilərsiniz. Formada qəbz tələb olunduğu üçün ödənişi emanat terminalı və ya tətbiqi, İBAM tətbiqi vasitəsilə edib linkə daxil olaraq kuponu əldə edə bilərsiniz.
Kupon bizə nə verir:
1. "İkinci Nəfəs (Ku kluks Klan qayıdır)" romanı imzalı
2. "İblisdən Betər" detektiv romanı imzalı
3. Çatdırılma - Kitab nəşr olunduqdan sonra kuponu əldə edən oxucularla əlaqə saxlanacaq və kitablar metro çıxışlarına çatdırılacaq. Bölgələrdən sifariş edən oxucular poçt xərcini ödəməklə kitabları əldə edə bilərlər.

Annotasiya:
Nyu-York metrosunun yaxınlığında yerləşən fəstfud restoranında işləyən Den Verbek ani başgicəllənməsindən huşunu itirərək yıxılır. Gözünü xəstəxana otağında açan Den çox keçmir ki, beyin xərçəngi olduğunu və sadəcə bir neçə ay ömrünün qaldığını öyrənir. Taleyi ilə çətinliklə barışdıqdan sonra bir gün klublardan birinə gedərək viski içə-içə yaxın gələcəyin planlarıı qurarkən doktor Karterlə qarşılaşır. Bu görüş onun həyatını tamamilə dəyişdirir. Söhbət zamanı Denin xəstəliyindən, ömrünün sonuna az qaldığından xəbərdar olan doktor Karter ona bir təklif edir. İxtisaslaşmış həkim olan Karter onu öz tədqiqatına cəlb etmək istədiyini bildirir. O, tibbin çox inkişaf etdiyini söyləyir və artıq beyin transplantasiyası əməliyyatlarını gerçəkləşdirməyin mümkünlüyündən danışır. (ardı ilk bölümdə)