Last First Dance

"Hear me out.. please Riez."

Nag-cartwheel ang puso ko nang marinig ang pagbanggit niya sa pangalan ko bago niya ako ngitian. "I'll be waiting." Mahina niyang banggit bago siya bumalik sa stage.

Napangisi naman ang mga kaibigan niya at ibinigay na sa akin ang mga hawak-hawak nilang white roses. Pagkatapos ay isa-isa na silang pumanhik muli sa stage para daluhan si Ciel na naghahanda na sa tapat ng mic stand.

"Give him a chance Riez. It's worth the risk." Kindat sa akin ni Matt bago siya sumunod sa mga kasama.

Nagsimula ng mag strum ng gitara sina Darren na sinasabayan naman ng mahinahon na pagda-drum ni Ren gamit ang mini drums na naka set-up. Hinuli ni Ciel ang titig ko at ngumiti bago kumanta.

***