Lily's Dilemma: Loving My Teacher

Nagsimula ang lahat sa isang prodigy na si Lily Salvedo-Yasx, isang babaeng husto sa sobrang talino at halos ay perpekto na sa lahat ng bagay -- maliban sa mga pisikal na gawain -- at hilig na gamitin ang kanyang talino sa paglalaro ng buhay ng ibang tao, walang awang paglalaro. Isang araw ay napahiya siya ng kanyang propesor na si Wayne Jean Vinn, isang bagay na unang beses nangyari sa kanya. Nagbigay ito ng dahilan upang markahan ang propesor niyang ito bilang kanyang bagong 'target.' Ngunit sa sarili niyang laro ay mararanasan niyang matalo ng unang beses dahil ni hindi man lamang natinag si Wayne, bagkus ay tinuruan pa siya nitong pahalagahan ang buhay. Naging daan naman ito upang mahulog ang loob ni Lily kay Wayne, na unti-unti ding nararamdaman ng binata para sa kanya. Sa kalagitnaan naman nito ay ang mga katotohanan, mga tao at pangyayari na magbibigay bagyo sa ipinagbabawal na nilang damdamin sa isa't-isa.