Lalaki Sa Dilim

Nagtatrabaho sa isang call center si Mia. Minsan sa kanyang pag-uwi ay hinarang siya ng tatlong kalalakihan. Mabuti na lang at dumating ang isang lalaki na nagngangalang Alex para iligtas siya. Mula noon ay lagi na siya nitong inabangan sa pag-uwi at kalaunan ay sinusundo na rin sa kanyang trabaho.
Hindi nagtagal ay nag-suggest si Alex na mag-apply si Mia sa ibang trabaho. May ibinigay itong calling card sa kanya kung saan siya maaaring mag-apply bilang receptionist. Nang puntahan niya ang hotel ay nakita niya roon ang may-ari na kamukha ni Alex. Ngunit ayon kay Drake, matagal na raw namatay ang lolo nito na nagngangalang Alexander.
Paano nangyari iyon? Multo ba ang nakilala at nakasama niya sa mahigit isang buwan? Posible ba na na-inlove siya sa isang multo? Anong hiwaga ang bumabalot sa pagkatao ni Alex?