Telon at ang Itim na Pisi

"Isa, dalawa, tatlo, apat, lima, isa, dalawa, tatlo, apa..." nang biglang may kumalabog na malakas sa kahoy na pader at sumigaw ang isang matandang aborido "Putangina magpatulog ka! nagbabaliw-baliwan ka nanamang hayop ka!" "Apat, lima, isa, dalawa, tatlo, apat, lima" kasalukuyang nawawala sa realidad, tila ba ay may sinasambit na orasyon sa tuwina sasapit ang alas dos ng hapon nagbibilang ng mabilis, sa una'y pabulong hanggang palakas ng palakas na sinasabayan ng pag padyak ng paa sa may papag nang maliit at mainit na kwarto ni Ado. Pagkaraming libro na naka-kalat sa buong kuwarto, may mga bukas, may magkaka patong at mayroon din na mga punit punit ang pahina, ngunit ang kapansin pansin ay mga puting papel, mga pinag punitang pahina ng libro at tinupi-tupi upang maging eroplanong papel. sa bawat bilang ni Ado ay siya nyang pinalilipad ang isang eroplanong papel, at sa bawat paglipad ng mga ito ay siya ring paglipad ng kanyang ulirat...