THE PLATERO TRILOGY 1: HUNDRED RINGS OF SILVER (UNEDITED VERSION)
THIS STORY IS PUBLISHED UNDER PRECIOUS HEARTS ROMANCES.
Maraming sakit ng kalooban ang pinagdaanan ni Ethel, isang sikat na fantasy writer, kaya pinili niyang maglagay ng matayog na pader upang protektahan ang sarili. Lumayo rin siya upang makapagsimulang muli. Natagpuan niya ang panibagong buhay sa bayan ng Naguilian, La Union nang mangupahan siya sa apartment na pagmamay-ari ni Constancia Callejo na may-ari din ng Marl's Silver Shop, isang sikat na pagawaan ng mga silver accessory sa lugar.
Pero mukhang mabubulabog ang natagpuang katahimikan ni Ethel nang makilala niya si Denim Callejo-mabait, malambing, guwapo, at umaapaw sa pagiging simpatiko-na nag-iisang apo ni Lola Constancia at nagtatrabaho bilang platero sa negosyo ng pamilya.
Sa unang pagkikita pa lang ay natulala na siya sa lalaki at parang natutunaw sa mga nangungusap nitong mga mata na tila binabasa pati ang kanyang kaluluwa.
Pero pinaglabanan niya ang atraksiyong naramdaman dahil wala na siyang karapatang umibig dahil sa kanyang mapait na nakaraan. Tila ayaw naman siyang tantanan ni Denim. Lahat ay ginawa ng lalaki upang mapalapit sa kanya sa kabila ng pag-iwas at pagsusungit niya. Hanggang sa unti-unti nang nabuwag ang depensa ni Ethel dahil sa kabaitan at pagmamahal ng lalaki. Gustong ng bumigay ng kanyang puso, ngunit paano kung malaman ni Denim ang kanyang nakaraan? Makayanan kaya uli niyang tanggapin na maaaring mawala sa kanya ang lalaking pinakamamahal?
-------------------------------------------------------------------------------------
COPYRIGHT UNDER PRECIOUS PAGES
