My Cousin'Tahan (COMPLETED)

Kapag tumibok nga raw ang puso wala ka ng magagawa kung hindi sundin ito. Kahit alam mong bawal, ipagpapatuloy mo lang. Handa mong ipaglaban ang pagmamahalan ninyo kahit pa halos buong mundo ang tumutol sa inyo. Pagmamahalan na maaring husgahan ng marami kapag may nakaalam. Nagmamahal ka ng tapat at wagas kahit pa walang kasiguraduhang kayo nga hanggang dulo. Laban lang ng laban kahit minsan hindi ninyo alam na pareho na kayong talo.

Isang simpleng babae lamang si Indie Geron na walang ibang hiling kung hindi mapansin ng lihim niyang minamahal na si Chase Vergara, na kalaunan ay nalaman niyang pinsan niya pala. Ilang pagkakataon niyang ninais iwasan at kalimutan ang nararamdaman sa binata, ngunit sadyang matigas ang ulo niya at marupok ang puso niya para mahulog ng tuluyan sa binata.

Possible nga kayang mahalin mo ang pinsan mo? Bukod sa bawal ito ay nakakahiya kapag nalaman ng pamilya at kamag-anak niyo, hindi ba? Kung natuturuan nga lang sana ang puso kinalimutan mo na ang kahibangan mo. Hanggang saan mo kayang lumaban? Hanggang kalian mo kayang magmahal ng palihim at bawal?

©Mixhaelle
Completed since 2016
Revised 2017