9 parts Complete = طيب انت جايبنى البيت ده ليه يا أحمد . ؟
- ماحنا لازم نقابل العرافه دى تشوف ايه الحكايه
= عرافة ايه بس وبتاع ايه دا كله نصب ودجل وولاد كلب
- الأمر ما يسلمش !! انا بدات جتتى تتلبش ومش مستحمل ليله واحده أقضيها ف الرعب ده .. كفايه امبارح !
= هيكون ايه اللى حصل امبارح يعنى ! عادى ؟
- لا مش عادى يا ملوك !! الشيخ اللى فات اخر كلمه قالهالي قالى خلى بالك وانفد بجلدك .. ومافهمتش اصلا هو قصده ايه .. تانى يوم سمعنا ميكروفون الجامع بيذيع عليه إنه مات .. لا وكمان البلد كلها بتحكى وبتتحاكى بسيرة موته ! بيقولوا انهم لقوه عينه مفقوعه ومرمى ف الترعه لا وكمان متعلق من رجله ف الشجره وراسه بس اللى فضلت مدلدله تحت الميه لغاية ما مات .. تفتكرى مين مجنون ابن مجنونه يعمل ف شيخ زى ده كده !!
= أنا !
- انتى ايه بس ! امشي امشي خلينا نلحق العرافه اللى فوق تشوفلنا حل
= ( صوتها بيتحول لصوت شبح وبتصرخ صرخه بتهز البيت كله )
قولتلك أنا ! ( بتختفى من قدامه )
( العرافه بتجرى على السلم تشوف ايه اللى بيحصل وبتعرف ان فيه شيطان ف البيت )
العرافه ( بتكلم أحمد اللى واقف مرعوب ) : إطلع بره ! وماتجيش هنا تانى ( وبتترعش )
احمد : ( بخوف ورعشه وقلب بينبض ورعب ) انا جايلك تساعدينى
العرافه : قولتلك اطلع بره !!! اطلع بره انا ما صدقت خلصت منه من زمااااااااااااان !!! ( بتصرخ )
