Mga tula at alaala

𝗠𝗮𝗻𝘂𝗻𝘂𝗹𝗮𝘁, 𝗠𝗮𝗴𝗺𝘂𝗺𝘂𝗹𝗮𝘁

ako si alunsinaya
isang baguhang makata
tinta ang syang napiling sandata
sa pagharap sa napapanahong gyera

kapit sa pagtugma ng mga letra
at pagbuo ng mga natatanging piyesa
na sa bawat paglapat
ng aking tinta sa pahina;
ibinubuhos ang damdamin
sa bawat kataga;
at walang pagsisisi
sa mga binitawang salita
sapagkat ako ay isang makata
isang manunulat,
yaring layunin ay magmulat
sa bawat akda na aking isusulat.