បេះដូងឱបកម្ម ១

មនុស្សស្រីដែលមានតែភាព ទន់ភ្លន់ សុភាពរាបសារ ជាមនុស្សស្លូតត្រង់ ក្រៅពីការងារ ក្នុងខួរក្បាលតូចក៏មិនដែលគិតពីរឿងរ៉ាវអ្វីផ្សេង។ តែគ្រប់យ៉ាងវាបានប្រួលប្រែទាំងស្រុង ក្រោយការជួបគេ មនុស្សប្រុសដែលធ្វើឱ្យបេះដូងរបស់នាង លោតខុសចង្វាក់ ដែលសូម្បីតែនាងខ្លួនឯងក៏មិនអាចហាមវាបានដូចគ្នា។ ក្ដីស្រលាញ់ ការចង់រស់ក្បែរ ក៏កើតមានដោយមិនដឹងខ្លួន ទោះជាដឹងថាខ្លួនតូចទាបមិនសាកសមនឹងអ្នកកំលោះ តែនាងក៏នៅតែមិនអាចហាមចិត្តខ្លួនឯងបាន ព្រោះត្រឹមបានលួចស្រលាញ់អ្នកម្ខាងទៀតដោយស្ងៀមស្ងាត់ ក៏អាចធ្វើឱ្យបេះដូងរបស់នាងមានក្ដីសុខណាស់ទៅហើយ។ ស្របពេលដែលបេះដូងមានក្ដីសុខ វាក៏ធ្វើឱ្យនាងឈឹចាប់ខ្លាំងដូចគ្នា ក៏ព្រោះតែក្រសែភ្នែក ដែលអ្នកម្ខាងទៀតសម្លឹងមកនាង វាមិនមែនក្នុងន័យស្នេហា តែវាជាការស្អប់ខ្ពើម ដែលធ្វើឱ្យនាងមិនអាចទទួលយកបាន។ សម្រាប់គេនាង