Twitches Of Love

Ang pagkakaroon ng sakit na Tourette Syndrome ang siyang naging dahilan upang ikahiya si Thalla ng kaniyang ina na isang dalubhasa na manggamot o doktor. Taglay ng dalaga ang sakit na ito simula ng siya ay apat na taong gulang. Para sa ina ay isa siyang kahihiyan sa pamilya dahil sa kanilang apat na magkakapatid tanging siya lang ang may karamdamang taglay. Upang hindi makasira sa reputasyon ng ina minabuti na lamang na dalhin si Thalla sa isang pribadong isla na kung saan pagmamay-ari ito ng ama na isang politiko.

Bagaman ang isipan ng dalaga ay normal at may angkin na kagandahan hindi maiiwasan na may magkutya at pagtawanan ang dalaga dahil sa kakaibang kilos at pananalita nito. Simula na mangyari ang trahedya ay pinasya ng ama na doon sa isla na manatili ang dalaga kasama ang mga kasambahay, yaya at isang pribadong tagapagturo.

Hanggang isang araw dumating ang hindi inaasahang pangyayari na halos ikamatay ng dalaga nang sumpungin ng kaniyang sakit sa kalagitnaan ng karagatan. Sakay ng kanilang pribadong yate. Nahulog si Thalla sa tubig at wala kahit na isa sa mga kasama niya ang nakapansin, Sa kabutihang palad, sakay ng jetski ang lalaking nakakita sa kanya mula sa pagkakahulog at agad siya nitong sinaklolohan. Ang lalaking ito ay walang iba kundi si Juanico Miguel ang nagmamay-ari ng katabing isla na malapit sa pampang.

Sa unang pagkakataon ang puso ng dalaga ay natutong umibig sa lalaking nagligtas ng kaniyang buhay. Nagkaroon ng dahilan ang dalaga upang magtungo sa isang therapist upang mapadali ang kaniyang pagpapagaling. Ngunit ano ang maaasahan ng dalaga sa lalaki kung hindi ito marunong magmalasakit sa kapwa at takot sa isang responsibilidad?

Magagawa nga kayang mahulog ang loob ni Juanico at mahalin kalaunan ang dalaga gayun alam ng lahat na panghabambuhay na responsibilidad na maituturing ang isang katulad ni Thalla na may Tourette syndrome?