48 parts Complete هاي بنات جبتلكم كرو كامله قصيره
كرونيك فتوق بلحق حكاية عالمية بعنوان #وشاءت_الاقدار ابطالها
#منقولة
🌻 زيد و احلام 🌻 ❌🔇😍👌
🎶 الحلقة 1 🎶
كانت تجري .... و تتلفت وراها ... هاربة منهم ... كان يشدوها حياتها تتدمر و تخسر كل شي ... تجري و موش هاممها في شي ... و ما تفيق كان بحد قدامها ... تضربت فيه
هزت عينيها باش تشوف شكون تلقاه راجل طول و عرض و زين. .....
ملول وخرت شويا خايفة اما بعد ما ثبتت فيه ظاهر ولد حلال و متربي
-أمان عيش خويا ... عاوني ... خالطين ورايا (تتكلم و تلهث)
غزر بعينيه يلقى زوز رجال جايين يجريو
-ماتخافش ... انت برا امشي و انا تو نتصرف معاهم ..
سمعت كلامو و بعدت شويا و قعدت تغزرلهم... و هو مشالهم و بدأوا يتضاربو.... و هي تتفرج و تبكي .... مرة يضرب و مرة يتضرب ... و واحد مالزوز رجال جبد سكينة ... ياخي هي صاحت
-اااع سكينة ... سكينة .. وووه عليا يا ماما ....
الراجل تفجع من صياحها أكثر مالسكينة
دارلها باش يكلمها و هي عيطت
-رد بالك ... اااع ... و حطت يدها على فمها خايفة ... دار هو ضرب الراجل و كمل معاه لآخر دقدقهم بالضرب ...
دار باش يمشيلها مالقاهاش ... هربت مسكينة ....
