كرونيك: قضية _انجاب

#منقولة
كرونيك جديدةبعنوان قضيةانجاب قصةمختلفة على لي موالفين تقروهم اقروها وتفهمو علاه هي مميزة ومختلفة عن بقيةالقصص
#قضية_انجاب
نخليكم مع اول حلقاتها
#حلقة1
كانت حاطة pc حداها و تبكي بصوت و دموعها ويدان حتى تسمع تلفونها يصوني تلقاه سامي رفدت عليه و مزالها تبكي
مرام: الو و من كملتها طلقت معاها شهقة سامي نخلع
سامي: مرام مالكي شاصرا حكي قوليلي مالكي حنا طردقت ببكا و بدات تحكي و تشهق
مرام: ماتوا ماتوا 😭😭
سامي: اي شكون مات متخلعينيش حكي نطقي ولا نقولك نزلي من دار راني جاي عندكم و كوبا عليهم هي ناضت من بلاصتها و لبست فيستا تاعها و جات خارجة حتى تلقى مها عند لباب
فاطيمة: وين راكي رايحة حتى شافت عينيها حمرين من بكا راحت تجري عندها
فاطيمة: مالكي علاه راكي تبكي
مرام: لا مكان والو راني رايحة نشري دوك نجي
فاطيمة: مطوليش بوك راه قريب يوصل
مرام: صحا و دارت قلمونة على راسها لي ريشها غطا تقريبا وجها كامل خرجت من باب دار و نزلت درج بحكم هي تسكن في طروازيام ايطاج لقات سامي عند باب باطيمة راح يجري عندها
سامي: نطقي شكون مات نطقي
مرام تحكي و عينيها مغرغرين بدموع : هاي سو و ووهي و يون ماتوا 🥺🥺😭😭😭 سامي بقى 5 دقايق و هو يشوف فيها يسيي يفهم شاراهي تحكي
سامي: عاودي شكون مات ماسمعتش غاية باينا ودنيا راهم مبلعين