EXPECTATIONS

Nasa punto na ng buhay ni Liham na kinekwestyon niya ang sarili niya kung karapat-dapat ba siyang makaranas sa tinatawag nilang "love". Siya yung tipo ng babae na simula't sapol ay hindi pa nagkaka-boyfriend, hindi katulad ng kanyang kaibigang si Ruby Jane.

Upang tulungan ang kaibigan, naisipan ni Ruby na mag-ayos ng "blind date" para kay Liham. Nagtagpo ang landas ni Liham at Vante sa pamamagitan ng blind date na iyon. Nagkakilala sila at naging malapit sa isa't isa. Di lumaon ay mas naging malalim ang relasyon nila.

Ngunit sa di inaasahang pangyayari, nalaman nilang hindi sila ang dapat magkatagpo sa blind date na iyon. Napag-alaman ni Liham na naka-fixed marriage na si Vante at imbis na siya, ay ang fiancé nito ang dapat palang katagpo ni Vante ng araw na iyon. Naging magulo ang sitwasyon dahil sa una pa lang, hindi naman kilala talaga ni Vante ang fiancé niya sapagkat nung araw na yun palang dapat niya makikita ito.

Imbis na kumbinsido na si Vante na matuloy ang kasal niya sa inaakala niyang fiancé niya, ay naudlot ito at sinubukang makawala sa wedlock dahil gusto niya na si Liham. At dahil sa nagrebelde siya sa magulang niya, mas lalong naging mahigpit sa kanya ang mga ito at pinilit silang pagsamahin ng fiancé niya sa iisang bubong.

Makayanan kayang ipaglaban ni Vante ang nararamdaman niya para kay Liham?

O susuko na lang ba sya dahil sa isang pangyayari sa buhay niya na di niya inaasahang mangyayari sa kanya?

EXPECTATIONS, 2021