Walang nangyaring maganda sa buhay ni Thor sa siyudad kaya bumalik siya sa kanilang probinsya para lang muling malasin nang mabundol siya ng isang kotse. Inakala niyang mamamatay na siya pero natagpuan niya ang kanyang sarili sa isang malaking bahay na sa unang akala niya ay isang haunted house. Doon ay nakilala niya ang may-ari ng haunted house at ng kotseng nakabangga sa kanya, si Carmine. Upang makabawi sa nangyari sa kanya ay inalok siya nitong magtrabaho sa bahay nito dahil nangangailangan ito ng driver at dahil wala naman siyang nakaplanong gagawin ay tinanggap niya ang alok ng babae. Naisip niyang maswerte pa rin siya kahit papaano kung hindi lang niya napansin ang 'wirdo' na mga bagay tungkol sa kanyang bagong amo. Hindi ito lumalabas sa umaga. Parati itong nasa loob lamang ng silid nito. Hindi niya ito kailanman nakitang kumain o uminom at minsan ay may naamoy siyang kakaiba mula sa babae; amoy ng malansang dugo. Maswerte nga ba kaya si Thor?
24 parts