Blurred Lines

'Utak bago puso'

Iyan ang mahigit na bilin ng mommy ni Eunice sa kanya. Pinalaki sya nitong matapang na babae para daw magkaroon sila ng magkaibang kapalaran.

Saksi sya sa kung paano naging sunod-sunuran ang ina sa ama at nangako sya sa sariling hinding-hindi mangyayari sa kanya yun.

Nakilala nya si Jarred. Isang easy-go-lucky na lalaki at hindi inaasahang naglaro ang kapalaran.

Nagmula sa isang laro hanggang sa lumalim ang nararamdaman.

Dahil sa paulit-ulit na tumatatak sa isip nya ang sinabi ng ina, ay hindi kailanman siya nagpapakita ng kahinaan sa harap nito. Mataas din ang pride nya para umamin sa kasalanan at magsorry.

'Let's break up'

Iyan palagi ang lumalabas sa bibig nya pag nagkakaroon ng kahit na maliit na problema ang relasyon nila. Ngunit dahil sa labis na pagmamahal ni Jarred at pag-eeffort na kunin sya ulit ay nakikita nalang nya ang sariling bumabalik dito.

Paano kung isang araw, magsawa nalang si Jarred na intindihin sya? Paano kung isang araw, magising nalang syang wala na ang taong paulit-ulit na tumatanggap at umiintindi sa kanya?