My Trans Nanny! ( LGBT+)

May sakit ang ina ni Edrick o Ericka na simula nang ikonsidera niya ang sarili bilang 'babae'. Ang kanyang ina ang mayroon lamang siya dahil ang kanyang ama ay nangibang-bahay na at iniwanan sila. Hindi siya nakapagtapos ng pag-aaral at sa mga beauty contest at parlor siya kumukuha ng pangkain nilang mag-ina, sapat naman iyon ay may sobra pa, pero naging kulang din no'ng maisugod sa hospital ang ina at malaman na may sakit ito na nangangailangan na ng maintenance at hindi biro ang halaga. Tinulungan sila ng tiyahin na kapatid ng ina, dahil mukha naman raw siyang babae ay i-apply siya nito bilang tagapag-alaga ni Cindy, ang anak ng amo nitong biyudo. Dapat daw ay ibang pinsan niyang babae. Pumayag kaagad siya dahil kailangan niya talaga ng trabaho habang hinihintay ang resulta ng inapplyan sa Japan.
Doon sa maynila, ang alam ay tunay siyang babae, maging ng boss at ng alaga niya na naging mahirap sa kanyang alagaan pero napalapit din naman. Ang mahirap lamang ay nang magsimulang magparamdam din ang tatay nito sa kanya nang pagkakagusto, at hindi nito alam ang tunay na nasa pagitan ng kanyang hita! Hindi naman niya ginustong magsinungaling, hindi rin niya ikinahihiya ang sarili, iyon lamang ay mahirap pa lang pumasok sa kasinungalingan na itinuring niyang katotohanan.