Darling (Not a Love Story)
Dear, Noah Mendoza.
Simula pagkabata, siya na ang gusto ko. Hindi ko maalala kung kailan eksaktong nagsimula, pero siguro noong tatlong taong gulang pa lang kami, noong unang beses niyang hinawakan ang kamay ko at ipinakilala sa mga magulang niya. Bata pa lang ako noon, pero para sa akin, yun na ang simula ng kwento naming dalawa.
Lumipas ang mga taon, at lalo lang akong nakasigurado-siya ang gusto ko, siya ang pipiliin ko. Wala akong pake kung ilang beses na niya akong tinanggihan, kung ilang beses akong napahiya sa harap niya. Basta ang alam ko, hindi ako susuko. Kung kailangan kong gumawa ng paraan para mapansin niya ako, gagawin ko. Kung kailangang baguhin ko ang sarili ko para lang magustuhan niya, wala akong pagdadalawang-isip.
Pero minsan, ang buhay hindi sumusunod sa gusto mo. Minsan, may mga bagay kang matutuklasan na sisira sa matagal mo nang iniingatang ilusyon. Isang pangyayari, isang pagkakamali, isang rebelasyon-at bigla mo na lang matatanong ang sarili mo...
"Dapat pa ba akong lumaban?"
"Siya pa rin ba ang gusto ko?"
O baka naman... masyado lang akong naipit sa isang pangarap na matagal nang dapat kong binitawan.
Sincerely, Darling Santos
