31 parts Ongoing Matureليلى : واني بليلتها اريد النوم يجي ويزور عيوني ماكو تذكرت امي الي توفت بحادث واحنا صغار وخلت اخواني ودراستي امانة برگبتي وتذكرت والدي الي ورة وفاة امي راح وي رفاق السوء الي علمو على الشرب وصار ما يجي للبيت الا بالسنة ثلاث مرات او اربعة بالكثير يخلصها بچي وغناء حزين يكسر گلوبنه على وفاة امي لان يشوفها بينه وبكل زوايات البيت ويروح ، اخواتي ومصرفهن وحمودي وتوقفت گدام مرايتي الي محاطه بخشب عتيگ مكون الميز الي عليه كم شغلة من المكياج الي احبه وعطري البسيط وساعتي الي مزنجره من حوافها مخليتها على طرف الميز بس ما اگدر اذبها لان احبها هواي هالساعة، مگدرت انام منا لمن أذن صليت ونمت ومچنت ادري هذا احساسي ومشاعري الغريبة بهاذي الليلة چان سببهن الاعصار الي راح يغير حياتي ويخليني اتغير للابد وحتى من ارجع لهذا البيت راح اكون انسانة مختلفة وكلشي بعيني راح يختلف ،
قصة حقيقية لسنة 2018
