My Forever Love ( Carlo♥️Trisha ) -SOON

Hanggang saan ang kaya mong isakripisyo para sa pagkakaibigan?. Tama bang ipaubaya ang iyong Minamahal?..

"Sinabi ng ayoko sayo Carlo!! Kailan ka ba titigil?!" Hinagis ko sa dibdib nito ang inabot niyang bulaklak at chocolate. "Birthday ko ngayon pero heto ka at panira ng araw ko!"

Yumuko ito at pinulot ang bulaklak at tsokolate. Humalukipkip siya at inirapan ito.
Nang magtama ang mata nila, hindi niya naiwasan mapansin ang lungkot sa mga mata nito.

"Sorry Carlo.." Gusto niyang isatinig pero pinigil niya ang sarili. Kailangan niyang panindigan ang sinabi at ginawa.

Nabigla siya sa paglapit nito kaya wala sa sariling napaatras siya. Huminto ito ng napansin na lumayo siya dito. Tumango tango ito at malungkot na ngumiti.

"Happy Birthday Trisha." Malungkot na bati nito. "Pasensiya ka na sa pangungulit ko, huli na ito." At tumalikod na ito sa kanya..

Gusto niya itong tawagin para bawiin lahat ng sinabi niya. Pero bago niya pa nagawa nadinig na niya ang tawag ng kanyang matalik na Kaibigan dito si Christina.

"Salamat Trisha!" Tinapik pa nito ang balikat niya at hinabol si Carlo.