تمنيتها ام بيتي

شايف من تحب إنسان
بس ماتكدر دكله
تفرفح روحك من يفوت
منك وانت تنظرله
خصوصا لويسلم عليك
اهنا العله والذله
السانك بي تحس معكود
شترد عليه شتكله
حبيبي رويحتي نبضي
يابعد العشك وأهله
وكل ذني وتحس تقصير
وسلامك بي فرد خله
لليوصل الحد البيت
وانت الايد رافعله
وتانيه يمته يعود
وتضل ساعات تحسبله
ليش الي تحبه
تكوم من العصر تسهرله
وليش تبسمره باشعار
وعن حبك متشرحله
صفحتي مني احس ملت
تكلي كافي تدلل
البكلبك طاب وبراسك
بصفحته شبيك مطبله