حكايات حب سومة ... 🔥📝

1-___________حكـــايات حـــب ســومـــة ❤️📝⛓️

المــقدمـة :-
____
فـي القصص هاذم حنحكيلكم علي تجاربي الثلاثة اللي عشتهم في الحب واللي حبيت نسردهم في قصة حتى تستفيد كل بنت من تجربتي وسميتها _حكـــايات حـــب ســومـــة ❤️📝⛓️

_ اسمي ياسمين وينادوا فيا سومة والإسم المعروفه بيه سومة حكيم من مواليد 1997م من طرابلس نقرأ ثالثة لغات في جامعة طرابلس (الفاتح سابقاً) ....
كانت بداية أول قصة حب ليا في 2016م تحديداً كنت وقتها كيف متخرجة من الثانوية ونجحت فيها بمعدل 98.1% والحمدلله كنت متفوقة في قرايتي .. في يوم من الأيام رن رقم غريب علي تليفون ماما كنت وقتها مستبعدة شئ اسمه حب كنت نشوف الحب في المسلسلات والقصص والروايات فقط ،كنت نشوف في الحب شئ مش موجود وإنه مافيش حب حقيقي غير حب الأم والأب والأهل والصاحبات بس ،وهذا الكلام اللي وقفت عليه وارجعتله بعد تجاربي الفاشلة في الحب .....
بعد رن هاتف ماما شفت الرقم غريب بس ماحبيتش نرد في البداية ،وقلت في نفسي أكيدة رقم غالط ،ثاني يوم عاود الرقم اتصل من جديد وهذا كله بدون علم أمي لأنه هديك الفترة كانت تخلي في تليفونها أغلب الأوقات جنبي ،جيت قلت لازم مانرد عليه ونشوفه شن يبي يتصل !؟ ،رديت عليه وطلع شخص غالط وكان متلخبط في الرقم وقد يتأسف إنه كرر الإتصال أكثر من مرة قعدت نبي نسكر الخ