قسور والمهره شامه

نوران جانت مشوفه شامه المر جانت شامه تغسل الزوليه بهل جو البارد وترجف ومشت نوران وشمرت التايت كله فوك الزوليه وضحكت وشامه بعده رأسها بالكاع وكالت

نوران:اغسلها زين لا والله اروح لعدي واكله يجي يشوف ماخذه راحتها لهل كح ..قسوووور

صاحت بأسمه قبل لا تكمل كلمتها شامه فز كلشي بداخلها وبقت راسها نازل وتغسل بالزوليه وحدها ومشه مبتسم بس سمعت صوته كامت تصب دموعها وترجف وكال

قسور:هلا بالغاليه
نوران:هلا بنور العين
قسور:وشبيج ويه هل مسكينه تصيحين عليها
نوران,:والله ما تعرف شي مفالحه بشي
قسور:لا تكطعين رزقها تركيها يا بنت الحلال وبهل برد واكفه فوتي وانتي بنتي ما عليج كملي شغلج وانا ازيدج وانطيج ضعف راتبة
نوران:ولك عزااا ما عرفتها ههههههه هاي مكسور الرقبه زوجه عدي

وكع السويج من ايده وهي مدارت وجها ولا باوعت عليه بقت تغسل كام ميكدر ياخذ نفس لابسه ثوب اسود عريض ومبهذله وشعرها ضافرته وكال بالكوة وصوته يرجف وجهة صار اصفر وبالكوة تطلع الاحرف من حلكه

قسور:ه..ها..اي شام