March 2020/1 (BL)

Ito ay isang kwento na ang simula ay tungkol kay Jin, na makakatanggap ng isang balita na namatay na ang pinakaimportanteng tao sa kanyang buhay-si Chris.

Namatay si Chris noong March 21, 2021. At simula noong araw na iyon, wala ng ibang ninais si Jin kundi ang makabalik sa oras at panahon upang mailigtas niya si Chris mula sa hindi nito inaasahang pagkasawi.

Gamit ang isang time machine, proyekto ng company na siyang pinagtatrabahuhan ni Jin, ito ang kanyang magiging daan upang mailigtas si Chris sa pangalawang pagkakataon.

6 years ang itinagal bago natapos ang time machine. Ngayon, naka-set na ang lahat at handa na siyang bumalik muli sa March 21, 2021 upang iligtas si Chris.

Ngunit sa pagbalik ni Jin sa oras at panahon, sa maling timeline siya dinala ng kanyang time machine at napunta sa March 21, 2020-1 year bago nangyari ang insidente.

Isa pang problema ni Jin ay hindi na siya maka-alis sa taong 2020 at hindi na makabalik sa tamang oras dahil biglang nawala ang time machine sa kanyang pagbalik sa past.

Magpapasya na lamang si Jin na manatili at maghintay, hanggang sa dumating ang oras na kanyang ikinatatakot.

Dahil mas matanda na siya kay Chris sa mga panahong ito at nagbago na rin ang kanyang itsura, hindi siya pwedeng makilala nito o ng kahit sino pa man. Maaaring may mangyaring hindi maganda sa kanya, at tuluyan na siyang hindi na makabalik sa tunay niyang oras.

Hindi rin maiiwasang magtagpo silang dalawa ng batang Jin sa taong 2020 kung saan aaminin niya na siya ito mula sa hinaharap upang tulungan siya, ngunit hindi niya rin maaaring sabihin ang lahat ng mangyayari upang protektahan ang kanyang sarili.

Magpapanggap silang dalawa bilang magkapatid, at magtatago siya bilang si Jon, ang nakatatandang kapatid ng batang Jin.

Ang pakay lamang ni Jin ay hintayin muli ang araw na maililigtas niya si Chris. Ngunit, sa isang taon na kanyang ilalagi, marami siyang mga bagay at sikretong matutuklasan tungkol sa pagkamatay ni Chris na hindi niya inaasahan.