Hate Me or Love Me

Labin-dalawang taon na ang lumipas mula n'ang huling tapak ni Francesca Guerrero sa probinsya ng Ilocos. Pagkatapos kasing maghiwalay ang kaniyang mga magulang ay umalis na sila ng kaniyang ina doon at namuhay ng mapayapa sa Italya. Habang ang kaniyang ama ay mas piniling makasama ang babae nito at n'ang kanilang naging anak na halos kasing-edad niya.

Hindi niya lubos maisip na pagkatapos ng mahabang panahon, ay heto siya ngayon at mag-isang bumibiyahe pabalik sa probinsyang kahit papaano ay nagbigay ng magagandang ala-ala ng kaniyang kabataan.

Her mom passed away when she was sixteen. At ngayon naman, pagkatapos ng walong taon na mawala ang kaniyang ina ay nanganganib ding mawalan na siya ng ama.

Sa kaniyang pagbabalik ay marami na ang nagbago. At dahil sa tagal na kaniyang pagkawala sa lugar ay hindi na din niya matukoy kung saan ang daan pauwi ng kanilang hacienda.

At dahil doon ay hindi niya inaasahang mapapadpad siya sa lugar ng mga Samaniego. Ang pamilyang noon ay kaibigan ng kanilang pamilya na ngayon ay kaaway na nila.

Ano kaya ang mga bagay na naghihintay sa dalaga sa kaniyang pagbabalik?