المُدللة

مفيش حاجه ثابته كلنا متغيرات وكلنا هيجي يوم نتغير في ناس هتتغير للأفضل وفي ناس هتتغير للأسوء الحياة دايما قاسية.. بس تأكد أن ربنا بيكون شايلك العوض الحلو... الحياة مش منصفة وهو ده الطبيعي ليها لإننا مش في الجنه.. الحياة مكان مش للراحه الحياة مكان للسعي ناس بتيجي وناس بتمشي وانت بتتغير انت مش نفس الانسان من ثواني ومش هتبقي نفس الانسان في الثواني الجاية خليك مرن وارضي.. واتكيف بسرعه مع التغيرات اللي بتحصل في حياتك مفيش حد خالي كلنا مالينين ... وهتلاقي في ناس ربنا بيرزقك بيهم يستاهلوا وجودك في حياتهم وحياتك بس امتي محدش يعرف فاسعي انك تغير نفسك للأفضل
وافتكر «إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ»
التغير بيبدأ بيك أنت ومهما فقدت ناس في طريقك متزعلش عليهم وادعيلهم بالهداية ومش شرط ان الناس اللي تخرج من حياتك يكونوا وحشين ممكن يكونوا حلوين بس مش ليك وربنا شايلك الأحسن فتأكد إن ربنا هيختارلك الصح والأفضل ليك.. وربنا بيبعد الناس دي عن طريقك علشان بيحبك وعارف انهم لو معاك عمرك مهتعرف تتقدم ولا تشوف حياتك فاحمد ربنا علي كل شئ ادهولك وتيقن إن ربنا عمره مبيسيب عبده لأنه أقرب إليك من حبل الوريد